جبنة فى الشبارقة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» جلســــــــــــــــــــــــــــــــــــــــــــــه ما منظــــــــــــــــــــور مثيلا
زواج المطيار والشمارات Emptyالأحد سبتمبر 11, 2011 2:27 pm من طرف فرح

» مشوكشين الشبارقة
زواج المطيار والشمارات Emptyالثلاثاء يونيو 15, 2010 5:37 am من طرف المجنون

» يااكامبوا ياتعبان ناس الشبارقة فى الميدان
زواج المطيار والشمارات Emptyالجمعة يونيو 11, 2010 3:01 pm من طرف الامل المنتظر

» رمصان كبس
زواج المطيار والشمارات Emptyالجمعة يوليو 03, 2009 4:09 pm من طرف المجنون

» شر البلية
زواج المطيار والشمارات Emptyالجمعة يوليو 03, 2009 3:40 pm من طرف الجان

» حب اللحوم
زواج المطيار والشمارات Emptyالإثنين يونيو 08, 2009 12:48 am من طرف المجنون

» اوكامبوا الماسورة
زواج المطيار والشمارات Emptyالأحد أبريل 05, 2009 3:33 am من طرف المجنون

» زواج المطيار والشمارات
زواج المطيار والشمارات Emptyالخميس مارس 12, 2009 7:37 am من طرف الجان

» عمنا والشيطان
زواج المطيار والشمارات Emptyالسبت مارس 07, 2009 2:08 am من طرف المجنون

» الطربانة
زواج المطيار والشمارات Emptyالأحد فبراير 15, 2009 5:20 am من طرف المجنون


زواج المطيار والشمارات

اذهب الى الأسفل

زواج المطيار والشمارات Empty زواج المطيار والشمارات

مُساهمة  الجان الخميس مارس 12, 2009 7:37 am

وضعت حاجة (سعاد) صينية (الخدار) على التربيزة وجلست لتقوم بمهمتها اليومية بتجهيزه الذى ينتهى بوضعه داخل (حلة الملاح) بينما جلست جارتها (سيدة) فى مقابلتها تساعدها فى تقشير حبات (البطاطس)
-----
- ما سمعتى يا سيدة بالزواج الجديد ؟
- يطرشنى يا يمة؟ ياتو واحد فيهن ؟ ما كل يوم منزلين لينا موديل جديد
- (المطيار) !
- الشنوووو ؟
- المطيار.... المطياااار ... إنتى طرشا ما بتسمعى؟
- وده كيفينو ياختى !
- ده قالو ليك (زواج الطيارات) !
- المضيفات يعنى !
- مضيفات شنو يا غبيانه ! ده بتاع (الركاب )
- والله يا سعاد أكان فهمت كلامك ده إن شاء الله (إتقصا) !
- طيب أقيفى النشرح ليكى براااحة براااحة ... أها قالو ليكى أى راكب فى (طيارة) يشوف ليهو واحده راكبة تعجبو ممكن يتقدم ليها على طول والعرس يتم فى نفس (السفرية) !
- أها وبعدين ؟ بعد داك البحصل شنو؟
- لا بعدين ولا قبلين أول ما الطيارة تعمل (لاندنق) للحته الماشين ليها كل زول يشوف عفشو وين و(يشتت) يمشى حتتو الماشى ليها !
- أها ويعنى تانى ما يتقابلو ؟
- كيفن هم أزواج ما يتقابلو ؟ أكان ما إتقابلو ما ببقى (زواج متعه حرام) قالو ليكى كل زول يشيل عنوان التانى ويتقابلو لكن بس حسب (السفريات) أقصد التساهيل !!
- والزواج ده الناس عرفتو؟
- كيفن ما عرفتو؟ كدى أمشى شوفى (وكالات السفر) مليانه كيفن ! وأكان للإذاعة واتلفزيون أها شغالين ليكى اليوم كلو (المطيار) المطيار !! هسه كان فتحتا ليكى (الرادى) ده تلاقيهم بتكلمو عنو

إفتاء على الهواء
- سيداتى وسادتى .. يسرنا فى هذه الحلقة من برنامج إفتاء على الهواء أن نستضيف مولانا (عوض تساهيل) يشرح لنا موضوع زواج (المطيار) الذى شغل المجتمع هذه الأيام ، مرحب بيك يا مولانا وأول حاجه عاوزين نعرف الزواج ده صحيح وإلا ما صحيح !
الحمد لله والصلاة والسلام على رسول الله وعلى آله وصحبه أما بعد:
زواج (المطيار) هو زواج مستوفى جميع الأركان والشروط المطلوبة في العقد من وجود المهر والولي وشاهدي عدل، إلا أن الزوج يشترط في العقد إسقاط النفقة أو المسكن أو المبيت فيكون الزوج غير مكلف بالسكن والنفقة عليها !
- طيب يا مولانا إسم (المطيار) ده جا من وين !
- أيواا ... نحنا كلنا بنعرف الزواج العادى الفيهو الزوج بيوفر سكن لزوجتو!
- نعم !
- وكمان بنعرف زواج (المسيار) الفيهو (الزوجة) بيكون عندها بيت (الراجل) بيجيها فيهو
- نعم !
- أها زواج المطيار ده لمن الزوج يكون ما عندو سكن ! و (المرا) ذاااتا ما عندها سكن أو السكن بتاعا ما (بسمح) ليها !!
- ووكت الإتنين ما عندهم سكن معرسين ليه !
- كيفن معرسين ليه ؟ إنتى ما عارفه الزواج ده نص (الدين) !؟ إنتى عاوزانا نخلى الناس دى كووولها ماشة بى (نص دين) ؟ عاوزانا نتخلى عن مسئوليتنا ؟
- لا معقول ؟ كيفن تتخلو عنها يا مولانا ؟ لكن بس (الناس دى) تتلاقى وين عشان تمارس حياتا الزوجية
- كيف يعنى يتلاقو وين ؟! هو نحنا سميناهو زواج المطيار ليه ؟ ما عشان ح نخصص فى كل طياره (غرفه بتاعت خلوة شرعية) !
- ما فاهمة يا مولانا !
- يا بنتى الدين يسر .. والزواج ده اساسا عملناهو للناس الما عندها سكن ! يعنى ما يتزوجو؟
الزوجه ما عندها سكن والزوج ما عندو! طواالى كل واحد يلم ليهو حق تذكرة إن شاء الله (عطبرة - الخرطوم) وبالعكس وياخدو ليهم خمس دقائق (خلوة شرعية) ويجو راجعين !
- مواصلاً ? مش أحسن من إنو الناس تقع فى (الحرام) ؟
- والله يا مولانا ما عارفه أقول ليك شنو لكن كدى خلينا نشوف مداخلات المستمعين
إتصال (1)
- آلو برنامج فتاوى على الهواء؟
- أيوه معاك ... برنامج فتاوى على الهواء معانا منو؟
- معاك عوض دبرسة من (أمبده بالردمية)
- إتفضل يا عوض معاك مولانا !
- الحقيقة أنا عاوز أسال مولانا يعنى لو حكايت الطيارة دى غلبتنا وما قدرنا نلم حق التذكرة ما ممكن تشوفو لينا طريقت زواج (أمجاد) !
- والله يا إبنى الزواج عندو شروط ولو الشروط دى إستوفت ممكن يكون فى أمجاد فى ركشات فى أى حته !
- لا لا يا حاج عاوزنكم (تفصلو) لينا فتوى بتاعت (زواج أمجاد) لأنو والله قدر ما نحاول نلم لينا (قريشات) نقول نأجر لينا بيت (نعرس فيهو) ناس (المرور) ديل يشيلوها مننا (غرامات) هسه الواحد دق فى الخمسة وأربعين وما قادر يعرس !
إتصال (2)
- ممكن ناخد إتصال تانى ؟ آلو معانا منو؟
- معاكى (نوسة) من (الكلاكلة) !
- إتفضلى يا نوسة معاكى مولانا !
- أنا بس عاوزه أسال يا مولانا (الزواج) ده ممكن يتم فى أى (خطوط) وإلا بس (السودانية) ! عشان الواحده من هسه تشوف ليها طريقت حجز وكده !
- والله يا بنتى (الفتوى) ما ليها علاقه (بالخطوط) هى فتوى عامة بتقول إنو الزواج (جائز) فى (الطيارة) ما دام مستوفى الشروط الشرعية المعروفه ! بعد ده العرس يتم فى (الأماراتية) فى (الأثيوبيه) فى (اللفتهانزا) دى ما مشكلة !!
- طيب يا مولانا ممكن يتم فى سفرية داخليه ولا إلا (خارجية) !
إتصال (3)
- ممكن إتصال أخير .. معانا منو؟
- خليكى من معاكى منو أدينى فلاصة فى الشيخ ده !

- معاك الشيخ!
- قلت ليا زواج الشنو يا شيخنا؟
- المطيار إسمو المطيار !
- وكل الشروط مستوفيه !
- أجل يا إبنى كل شروطو الشرعية مستوفيه !
- والناس (تولد) وتجيب (أولاد) !!
- شوف يا إبنى إنا عارفك عاوز تقول ليا (الأولاد) يتربو كيف؟ والأسرة وما إلى ذلك لكن أعرف يا إبنى إنو
القاعدة الفقهية بتقول (درء المفاسد مقدم على جلب المصالح) وعدم الزواج مفسده ما بعدها مفسدة لذلك فهو مقدم على مسألة (تكوين الأسرة) !
- بالله يا مولانا ده إسمو كلام ؟ عشان تحلو مشكلة (الزواج) تقعدو تعملوها لينا زواج (المطيار) و(المركاش) و(المقطار) وتفكو (الأولاد) البجو من (جنس الزواج) المهبب ده (عكس الهواء) ! هو هسه الأولاد والبنات القاعدين مع أبهاتهم (مالين الشوارع) كمان تجيبو لينا (أولاد) الأبو فى حته و(الأم) فى حته ؟ و(طيارات) وما بعرفو شنو داك !
- شوف يا إبنى أنحنا جاتنا حاله وأفتينا ليها ! ما قلنا زواج (المطيار) ده لأى زول !
- يا شيخنا بلاش كلام ما عندو معنى .. إنتو قلتو الحاجه دى (جائزة) وشرعية يعنى أديتو رخصة لأى زول يعملا ما (لمن يعصروكم) تقولوا (جانا زول) وأفتينا ليهو وما بعرفو شنو داك !!
- (المذيعه تتدخل) : طيب إنت يا متصل رأيك شنو؟
- أنا رأيي إنو المسألة واضحة .. الناس ما قاعده تعرس عشان الظروف الإقتصادية بتاعت الناس سيئة وقروش (البلد) رايحة (عربات) و(بنزين) وسفريات وموبايلات وشركات وهمية و(خمش) وناس مولانا ديل شايفين (الفيل) وبيطعنو فى ضلو ! وبدل ما يقولو للمسئولين (أضبطو) المال (العام) وصلحو (للمواطنين) المعيشة وإهتمو بالشباب ده وشوفو ليهو (شغل) ووظائف كل يوم ناطين لينا بى نوع زواج جديد وما هماهم البلد كلها كان إتقلبت (شماشة) !
إتصال (3)
- الظاهر الخط إنقطع .... ناخد إتصال تانى ... معانا منو؟
- معاكى هنادى من الصافية
- أهلن هنادى إتفضلى
- والله الزول الإتكلم آخر حاجه ده زول (مغرض) ساكت .. مالو هسه (الزواج) ده ؟ مش شرعى وكده ؟ وعاوز يطلع البنات من (البورة) ! تانى فى شنو؟ والله نحنا بنأيد زواج (المطيار) ده وأنا من هسه جهزت (جواز السفر بتاعى) وبكرة من الصباح ح امشى أحجز أى حته إن شاء الله (أفغانستان) بس ألاقى عريس .. أنا عاوزه عريس يا ناس ... عريس ... عريس !!


الجان
الجان

عدد الرسائل : 46
الموقع : والله ماعارف
تاريخ التسجيل : 15/10/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى