شر البلية

الجان الجمعة يوليو 03, 2009 3:40 pm

شـر البلية
* قالوا قودوين طلع مراوغ

* أول مرة نشوف قودوين براوغ

* عمرنا كلو شايفنو بجري ويدافر

* يراوغ دي شفناها عند وارقو وكلتشي

* لكن قودوين يراوغ دي جديدة لنج

* يعني قودوين حاور الناس رقدهم واطة ؟

* أسي الناس راقدين قرض في المطار؟

* راجين قودوين زي الناس الراجين ليهم زول في العملية ؟

* البركة في النجيلة الجات

* اقعدوا في النجيلة ارجوا قودوين

* اقعدوا في النجيلة وغنوا علي النجيلة جلسنا

* غنوا نشيد النجيلة

* النشيد البقول

* على النجيلة جلسنا

* تعبنا واتدقسنا

* لاقودوين جا واتونسنا

* ولا اعترفنا بفلسنا

* وعلى النجيلة جلسنا

* يقول كل يوم جاي ويدقسنا

* وعلى النجيلة جلسنا

* الباقي لي قدام

* لما تجي في عبارة على النجيلة جلسنا علي صوتك واشتغل سبرانو

* العبارة دي حلاوتها في أنكم تقولوها ككورس

* والفنان يقول البعدها

* وعلى النجيلة جلسنا

* يلا كلنا مع بعض

* واحد اتنين تلاتة

* على النجيلة جلسنا

* دقيقة.. ده منو الصوتو نشاز ده ؟

* يا لخوية وكت ربنا ما أداك صوت جميل ما تبوظ على الناس الغنا

* النشاز ديل الناس المقتنعين انو قودوين جاي

* يلا 00 كلنا مع بعض

* واحد اتنين تلاتة

* على النجيلة جلسنا

* شفتوها طلعت حلوة كيف ؟

* تاني أي كورة بتاعة لخوية نبداها بالفرمالة

* على النجيلة جلسنا

* والنمل قرصنا

* وعلى النجيلة جلسنا

* والله أنا لو محل الكاردينال اتنفخ كبييييييييير وأقول قودوين تاني ماداير أشوف وشو

* عامل اضنينو ديل

* قلق اخد سنتين

* مامشكلة لو قلق تأخر عن تلبية نداء الوطن

* لكن هل قلق تقاعس عن تلبية النداء ؟

* قلق جانا من بورتسودان

* قلق لاعب فنان

* جبرة جانا من بورتسودان

* جبرة لاعب فنان

* جبرة اخد سنتين

* قلق اخد سنتين

* يعني تاني ما نجيب لاعب فنان من بورتسودان ؟

* قلق تأخر عن التمرين خمسه دقائق اخد سنتين

* قودوين تأخر عن الوصول سنه

* يعني قودوين حا ياخد إعدام ولا شنو ؟

* إيقاف قلق سنتين والزعيم داخل المجموعات أليس فيه تقاعس عن تلبية نداء الوطن يا اتحاد ؟

* مجرد سوال

* طيب الاتحاد ده جاب ترحيل لقلق عشان يجي التمرين بدري وقلق ماجا ؟

* طيب لو الاتحاد ماجاب الترحيل يقيف قلق ولا يقيف الترحيل ولا يقيف الاتحاد ؟

* قف تأمل!

* الاتحاد استدعى قلق عشان يبرر أي استفسار ؟

* طيب لو لم يتم استدعاء قلق التسرع في إصدار الأحكام ده شنو ؟

* ولا الموضوع مقصود بيهو نخلي موضوع الإدارية العليا وموضوع جيت الخريف ونقعد نتغالط في قلق

* قلق وقف

* تعالوا نقيف جميعاً تحية لعلم الوطن

* نحن جند الله جند الوطن

* أطيب التمنيات بالتوفيق لكل من يمثل الوطن في المحافل الدولية

* لكن خدمة الأوطان ليست بالأمنيات ولا بالعقوبات المتسرعة ولكنها بالتفكير والتدبير والتروي في إصدار القرارات التي تؤدي فعلاً لخدمة الوطن

* علمي أنت رجائي أنت عنوان الفداء

* وعلى النجيلة جلسنا

سلك كهربا

بكيت على أرواح ولادك ** ضحكت من شر البلية